Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Seiciones

SEICIÓN OFICIAL

Tanto nel so apartáu de llargumetraxes como nel de curtiumetraxes, los títulos incluyíos na competición del Festival Internacional de Cine de Xixón son, ensin nenguna dulda, una apuesta segura pal espectador y la espectadora con inquietúes cinematográfiques que tean alloñaes de lo convencional.

RELLUMES

Seición competitiva con especial interés nes primeres y segundes películes de nuevos autores con afanes de tresformar el llinguax cinematográficu. Siempre acompañaos de dalgún autor ya consagráu pero col mesmu impulsu de renovación.

ENFANTS TERRIBLES

El meyor cine infantil y xuvenil del momentu na seición que recueye l’espíritu orixinal del Festival Internacional de Cine de Xixón. Dende les comedies d’animación hasta los conflictos sociales encarnaos na piel d’adolescentes, les películes d’Enfants siempre proporcionen un conseyu.

ANIMAFICX

Amuesa dalgunes de les propuestes más suxerentes, atrevíes y vanguardistes de l’actual producción cinematográfica nel marcu de l’animación. Dientro del carácter xeneral del festival, queremos averar al públicu asistente a lo variao de la so propuesta estética y, por supuestu, temática.

ESBILLA

Nesti apartáu recuéyese una seleición de títulos fecha con procuru, qu’apurre les propuestes internacionales más interesantes del añu, vistes n’otros festivales de tol mundu y otros estrenos que, por dellos motivos, s’averen a la personalidá propia del FICX.

LLENDES

Como indica’l so nome, Llendes (‘límites’ en castellanu) allúgase nes fronteres del cine narrativu y l’esperimental. Propuestes arriesgaes que van coneutar colos y coles espectadores que busquen nueves esperiencies.

FICX/LABORAL CINEMATECA

Una oportunidá pa reivindicar el séptimu arte en formatu analóxicu. Les meyores películes del cine clásicu en formatu de 35mm nesta seición coproducida pol Festival Internacional de Cine de Xixón y Laboral Cinemateca.

RETROSPECTIVAS Y CICLOS

Claire Denis, Larry Clark, Abbas Kiarostami, Todd Solondz... Los direutores más representativos del espíritu del Festival alcuentren equí un espaciu propiu. Pasáu y presente cinematográficu xúnense nestos homenaxes retrospectivos, nos que se proyecten les filmografíes en detalle d’estos autores.

DÍA D’ASTURIES

Fecho n’Asturies. El compromisu del Festival coles produiciones y coles y colos realizadores asturianos faise visible nesta seición, onde caben toos aquellos curtiumetraxes y llargumetraxes roblaos por cineastes del Principáu.