Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xuráu internacional

santiago zannouSANTIAGO ZANNOU: Direutor de cine español, estudió nel Centre d'Estudis Cinematogràfics de Catalunya (CECC). Debutó nel llargumetraxe en 2008 con El truco del manco, pol que llogró'l Goya a la Meyor Direición Novel y que ta basáu na historia de Juan Manuel Montilla, El Langui, un raperu madrilanu miembru del grupu La Excepción. Enantes yá tenía escrito y dirixío dos curtios, Cara sucia (2004), pol que foi candidatu al meyor curtiumetraxe de ficción de los Premios Goya, y Mercancías (2005). En payares de 2009 dirixó'l documental El alma de la roja, pol centenariu de la Federación Española de Fútbol. En 2011 presenta La puerta de no retorno, un documental sobre la torna de so padre al so país, Benín, 37 años dempués d'abandonalu y tratar de reconciliase col so pasáu. N'abril de 2013 estrena Alacrán enamorado, la so cabera película como direutor, pola que volvió ser nomáu al Goya xunto con Carlos Bardem, nesta ocasión a Meyor Guión Adautáu. Nel repartu d’esta película apaecíen Álex González y Carlos Bardem. Anguaño prepara un nuevu trabayu con Morena Films, nel que va repitir collaboración col productor Álvaro Longoria.



alberto ammannALBERTO AMMANN: Actor hispanu-arxentín. Recibió formación como actor na escuela de Juan Carlos Corazza y tamién estudió nel Seminariu de Teatru Jolie Libois. Fizo distintos papeles en cine, televisión y teatru, destacando sobremanera pol que lu dio a conocer, el de protagonista na película española Celda 211, pola que llogró'l Premiu Goya al Meyor Actor Revelación nel 2010 y un gran ésitu de crítica y públicu. Darréu metióse na piel d'un xoven Lope de Vega na cinta Lope d’Andrucha Waddington, xunto con reconocíos actores del panorama nacional como Pilar López d’Ayala, Leonor Watling, Antonio de la Torre, Juan Diego y Luis Tosar. La carrera d'esti intérprete nun dexó de collechar ésitos como Eva, de Kike Maíllo; Invasor y Combustión, entrambes de Daniel Calparsoro; o Tesis sobre un homicidio, d’Hernán Goldfrid. Como actor, Alberto Ammann compartió planos con estrelles del séptimu arte como Ricardo Darín, José Coronado o Daniel Brühl. El so últimu trabayu foi en Betibú, una película policial arxentina de 2014 dirixida por Miguel Cohan y basada na novela homónima de Claudia Piñeiro.



hebe tabachnikHEBE TABACHNIK: Programadora del Palms Springs International Filme Festival (PSFF) y del Los Ánxeles Filme Festival (LAFF), onde también ye curadora de curtiumetraxes y de la iniciativa ‘Cineastes del Futuru’, que presenta curtios realizaos por mocedá del mundu enteru. Dende l'añu 2011 ye programadora invitada del Premiu Maguey del Festival de Guadalaxara, y dende el 2013 ye direutora y productora de FICG in Los Ánxeles (Guadalaxara International Filme Festival in Los Ánxeles). Tamién ye profesora invitada de la Escuela de Cine y Televisión de San Antonio de los Baños (EICTV). Trabayó pal Sundance Filme Festival y l’American Cinematheque de Los Ánxeles, amás de formar parte de la xunta direutiva y ser curadora de Dancie Camera West (DCW). Dende l'añu 2011, Hebe ye asesora y forma parte del Conseyu d'Honor de la Especialidá en Documental Cinematográficu del CUECUNAM con sede na Cátedra de Periodismu Cultural y Les Lletres Hugo Gutiérrez Vega de la Universidá de Guadalaxara, México. Tamién ye cofundadora y vicepresidenta de Lokro Productions, Inc., una compañía de producción de películes establecida en 1999 en Los Ánxeles, California.



natalia vervbekeNATALIA VERBEKE: Intérprete. A los 11 años aporta a Madrid cola familia, y ellí se formó como actriz na Real Escuela Superior d'Arte Dramáticu. Tamién estudió danza contemporania y flamencu. Debutó na gran pantalla cola película Un buen novio (1998) xunto con Fernando Guillén Cuervo. Dempués llegaría’l reconocimientu con Nadie conoce a nadie (1999), El hijo de la novia (2001) y la que la llevaría finalmente a la fama: El otro lado de la cama (2002). La so carrera internacional vieno de la mano de Jump Tomorrow, pola que llogró la so primer nomación a los British Independent Film Awards . En teatru interpretó El sueño de una noche de verano de William Shakespeare n'Inglaterra y en televisión pudimos vela en series como El Pantano, Al filo de la ley, Los Serrano y la famosa Doctor Mateo. Nel añu 2002 ganó'l Premiu Ondes a Meyor Actriz por El otro lado de la cama y El hijo de la novia y nel 2010 volvió ganar l’Ondes, nesta ocasión a Meyor Actriz de Televisión por Doctor Mateo. Nel 2010 tamién-y dieron el premiu La Sacabera d’oru a la Meyor Actriz pola so interpretación en Les femmes du sixième étage.




cristobal arteagaCRISTÓBAL ARTEAGA ROZAS: Direutor chilenu. Trabayó dellos años como creativu publicitariu n'axencies chilenes y españoles. Estudió Guión na Universidá Católica de Chile, y nos años 2008 y 2009 ganó'l fondu de desenrollu de guión de Chile colos llargumetraxes Manual de instrucciones para olvidar y Te invito a mi funeral. En 2010 escribió los llargos Diez años y un día y Construcción de un sonido. Nel añu 2011 estudia Direición y Guión nel Institutu de Cine de Madrid, onde realiza dellos curtiumetraxes y escribe, rueda y produz el so primer llargumetraxe, Faro sin Isla. El pasáu 2013 estrenó na seición Forum of Independents de Karlovy Vary’l so segundu llargu El triste olor de la carne, col que gana'l premiu a Meyor Película na seción Resistencies del Festival de Cine Européu de Sevilla, amás de quedar seleicionáu na seición Llendes del Festival de Xixón, na seición oficial del FIACID 2014, nel Festival Internacional de Cine d'Autor de Barcelona DA y na Viennale d'Austria. Anguaño trabaya na postproducción del so tercer llargumetraxe Ave y Nada y ta preproduciendo’l so cuartu llargumetraxe La declaración de los objetos.