Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Designed by Yvonne Blake

Yvonne 1La figurinista Yvonne Blake (Manchester, 1938) ye doblemente protagonista na 52 edición del Festival Internacional de Cine de Xixón, porque amás de recibir el Premiu Muyer de Cine 2014, protagoniza una maraviyosa esposición de dalgunes de les sos meyores creaciones pal cine.

20 diseños orixinales y más de 50 bocetos d’esta diseñadora de vestuariu van poder vese na Sala 1 del Centru de Cultura Antiguu Institutu y n'escaparates y tiendes de Xixón, gracies a la collaboración de la Unión de Comerciantes, Sastrería Cornejo y Peris Costumes Co.

Corones, vistíos, casaques, chaquetes, bates o abrigos vistíos por actores de la talla de Harvey Keitel, Natalie Portman, Sadie Frost, Randy Quaid, Blanca Portiellu o F. Murray Abraham van llucir nos escaparates de les tiendes igual que lo ficieron en películes como Los Fantasmas de Goya, Remando al Viento, El Puente de San Luis Rey, Don Juan en los infiernos o Tirant Lo Blanc. Amás, podrán contemplase más de mediu centenar de bocetos qu'amuesen la gran versatilidá d’esta diseñadora de vestuariu, una de les más reconocíes del cine actual.

Yvonne Blake, ganadora d'un Óscar (al qu’hai que sumar otra nominación) y cuatro Premios Goya, tien tamién cuatro nominaciones a los Premios BAFTA y foi gallardonada cola Medaya d'Oru al méritu nel trabayu o'l Premiu Nacional de Cinematografía 2012. Ye una de les meyores figurinistes del cine nacional ya internacional y asina lo afiten los sos trabayos con direutores como François Truffaut, Norman Jewison, Richard Lester, Paul Verhoeven, Gonzalo Suárez, Vicente Aranda o Milos Forman.
 
Ente les películes que más rescamplen hai títulos como Jesucristo Superstar, Los tres mosqueteros, Superman, La Venus de la ira, Fahrenheit 451, Robin y Marian o Carmen. Poro, tenela en Xixón y poder esfrutar de los sos traxes y bocetos d'una manera tan cercana, na mesma cai, ye una oportunidá única p'averanos al mundu del cine.

Clicks Love Xixón


clicksMiden siete centímetros y mediu, son cabezones ensin nariz y fueron quien a espertar el maxín de los neños y neñes demientres más de trenta años. Son los clicks, esos xuguetinos que pasaron a ser pieces de coleicionista, protagonistes de cine y modelos de fotografía. Con tantes posibilidaes nun ye raro que tengan con una lexón de siguidores ente los que s'atopa Mauro Solbes.

Esti alcoyán, artista pa unos y llocu pa otros, fotografía estos pequeños xeneradores de sorrises como si fueren cartelos orixinales de cine. Nun faen esparabanes, pero vamos ser quien a reconocer a John Travolta en Pulp Fiction, Susan Sarandon en Thelma y Louise o Malcolm McDowell en La Naranja Mecánica.

Los clicks amen el cine y vamos ser testigos d’ello nuna esposición de trenta cartelos qu'entama'l Conceyu de la Mocedá xunto col Festival Internacional de cine de Xixón nel Espaciu Astragal.