Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

LES SEMEYES DE DAVID LYNCH, PROTAGONISTES D’UNA ESPOSICIÓN DEL #57FICX

Votos

(Total de votos recibidos 36)

(Puntuación 3,00)

lynch
LA FUNDACIÓN MUNICIPAL DE CULTURA Y EL FESTIVAL INTERNACIONAL DE CINE DE XIXÓN TRAEN PER PRIMER VEZ A ESPAÑA SMALL STORIES

La Fundación Municipal de Cultura, Educación y Universidá Popular de Xixón y el Festival Internacional de Cine de Xixón (FICX) van presentar, a comuña cola Maison Européenne de la Photographie de París y la Galería ITEM, la esposición Small Stories, una serie fotográfica del artista polifacéticu David Lynch, que se va poder ver na Sala 2 del Centru de Cultura Antiguu Institutu dende’l 15 de payares viniente hasta’l 26 de xineru de 2020.

David Lynch (Missoula, Montana, EEXX, 1946) artista multidisciplinar, conocíu pol so llabor como direutor de cine y como actor, pero tamién por otres facetes (como productor de música electrónica, pintor y fotógrafu) presenta en Small Stories una serie de 55 semeyes en blanco y negro nes que cuenta, al traviés de caúna d’elles, una hestoria na que queden reflexaos los elementos que definen la estética del maraviyosu, orixinal y atípicu universu que vien desendolcando a lo llargo de la so trayeutoria’l direutor americanu.

Lynch, realizador ente otres obres d’Eraserhead (1997), Blue Velvet (1986), Corazón Salvaje (1990), Carretera Perdida (1997), Mulholland Drive (2001) y de l’aclamada serie de cultu Twin Peaks (1990-1991; 2017), va recibir esti mes d’ochobre el Premiu Óscar honoríficu por tola so carrera.

La esposición Small Stories, que yá se pudo ver con anterioridá en París, Bruselas, Belgrado, Lisboa y Budapest, va presentase per primer vez n’España na ciudá de Xixón, coincidiendo cola celebración de la 57 edición del Festival Internacional de Cine de Xixón (FICX).

Palabras clave Festival de Cine, 2019