Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

LA FAVORITA, DE YORGOS LANTHIMOS, GANADORA DE DOS PREMIOS EN VENECIA, VA ABRIR EL 56 FICX

Votos

(Total de votos recibidos 43)

(Puntuación 3,00)

favorita
  • La película tien un repartu ablucante, capitaneáu por Rachel Wisz, Emma Stone y Olivia Colman, que recibió la Copa Volpi a la Meyor Actriz na cabera edición de la Mostra veneciana
  • Xixón va acoyer la presentación n’España del últimu trabayu del cineasta griegu, ún de los enfants terribles más almiraos del cine européu d’anguaño
La Favorita, de Yorgos Lanthimos (Atenes, 1973), va abrir la 56 edición del Festival Internacional de Cine de Xixón, onde va tener llugar el so estrenu n’España. El direutor más internacional de la cinematografía griega d’anguaño sigue la so carrera con esti llargumetraxe, qu’atropa títulos como Canino (2009), Alps (2011), Langosta (2015) y El sacrificio de un ciervo sagrado (2017), películes que finxen un cine ácedu, incómodu y desafiante.

Lanthimos ta consideráu como ún de los anovadores del cine européu, como amuesa’l reconocimientu qu’algamó ente la crítica y nel circuitu de festivales internacional. La so obra ganó más de 40 premios per tol mundu, como los gallardones en Rotterdam, Estocolmu y Sevilla. Llogró’l Premiu al Meyor Guión de l’Academia Europea, amás de tar nomináu a los Óscar con Langosta.
La Favorita recibió, tres pasar per Venecia, los agasayos de la crítica internacional, qu’afalaga sobre too’l trabayu de les sos protagonistes, tres de les meyores actrices d’anguaño: Olivia Colman (ganadora de la Copa Volpi a la Meyor Actriz pol so retratu de la reina británica), Rachel Weisz y Emma Stone. Dempués del estrenu en Venecia, onde algamó tamién el Gran Premiu del Xuráu, la prensa sorrayó’l talentu del direutor pa la sátira social, amás del so venceyu formal con realizadores del grandor de Stanley Kubrik, Joseph Losey o Sofia Coppola.

Con La Favorita, Lanthimos atrévese per primer vez col cine d’época. La película cuenta la historia de la Reina Anne de Gran Bretaña, que tuvo nel tronu de 1702 a 1714, y la so rellación con dos muyeres: la Baronesa Masham (interpretada por Emma Stone) y Sarah Churchill, Duquesa de Malborough (Rachel Weisz), que van competir por convertise na favorita de la monarca británica.
La Favorita va ser tamién la obra qu’entame’l Festival de Nueva York que, como’l FICX, cumple en 2018 la so 56 edición.

La película, que va vese tamién nel Festival de Londres, va distribuyise nel nuesu país por FOX Searchlight y va llegar a les sales el 4 de xineru de 2019, dempués del so pasu pel 56 FICX.


.

Palabras clave Festival de Cine, 2018