Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EL FIXC VA ACOYER LA PREMIERE ESPAÑOLA DE LES DOS PELÍCULES NUEVES DE HONG SANG-SOO

Votos

(Total de votos recibidos 54)

(Puntuación 0)

hong
El granible cineasta coreanu Hong San-soo, aclamáu dende va años pola cinefilia mundial, va presentar en Xixón los dos llargumetraxes fechos nel 2018. Sang-soo, que ganó’l premiu a la Meyor Película na edición de 2015 del FICX con Right Now, Wrong Then, va tener una presencia bultable nel certame cinéfilu xixonés na Seición Oficial al incluyir estes películes coles qu’abre caminos nuevos nel so cine, y que la crítica recibió con munches ganes tres pasar per Berlín y Locarno.
-Grass (Seición Oficial, fuera de concursu): presentada nel apartáu prestixosu Forum del Festival Internacional de Cine de Berlín (Berlinale), céntrase na descripción de los personaxes qu’acuden a un café céntricu de Seúl. Sang-soo xuega otra vegada con elementos clásicos del so cine: la combinación casual d’individuos y la so capacidá pa la definición precisa de les rellaciones que se configuren ente los seres que pueblen les sos imáxenes.
- Hotel by the River (Seición oficial, a concursu). Una de les cintes más esperaes de la Seición Oficial del recién Festival de Cine de Locarno, onde consiguió’l gallardón que reconoz la Meyor Interpretación Masculina (gracies al personaxe representáu por Ki Joo-bong). Nesta ocasión la película narra la hestoria d’un poeta vieyu que siente, de sópitu, l’averamientu de la muerte.
Hong Sang-soo recibió a lo llargo de la so carrera, aniciada en 1996, más de 40 premios en festivales internacionales diferentes, incluyendo ente ellos nomes como los de Cannes, Locarno, Mar del Plata, Rotterdam, San Sebastián o Xixón.
Palabras clave Festival de Cine, 2018