Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El FICX y el Festival de San Sebastián creen el ciclu CROSSROADS – Zinelandia | FICX

Votos

(Total de votos recibidos 160)

(Puntuación 2,93)

sanse
Esti espaciu nuevu pa permitir que los/les espectadores del 56 FICX esfruten de cinco ayalgues del cine internacional de 2018, seleicionaes a comuña col certame donostiarra.
La programación de la 56ª edición del Festival Internacional de Cine de Xixón presenta como novedá principal el llanzamientu del ciclu CROSSROADS – Zinelandia | FICX como festival especializáu.
La razón principal pal afitamientu d’esta sinerxa, amás de los llazos de xunión xeográficos ya históricos ente dambes ciudaes y dambos festivales, ye la gueta d’alternatives a una problemática que xurde nos caberos años: l’amenorgamientu nes opciones d’exhibición de películes importantes orixináu pol aumentu de la demanda na esclusividá de los conteníos per parte los certámenes cinematográficos internacionales.
Asina, en contraste cola competitividá ente festivales pa consiguir los estrenos nacionales ya internacionales, el Festival de San Sebastián y el Festival Internacional de Cine de Xixón apuesten por poner a funcionar espacios comunes de cooperación qu’ayuden a fomentar el conocimientu y la circulación d’obres cinematográfiques d’interés especial.
Y eso ye lo que va ufiertar el ciclu CROSSROADS – ZINELANDIA | FICX: una seleición estudiada de películes nes que confluyen les llinies de programación de dambos certámenes, y una ventana de collaboración p’axuntar esfuercios col enfotu d’aumentar la visibilidá d’obres que son clave pa entender el cine contemporáneu.
Gracies a esta iniciativa, el públicu de la 56ª edición del FICX va poder esfrutar de cinco títulos destacaos del cine internacional de 2018 selecicionaos pol certame donostiarra. Una parte los conteníos del ciclu van dase a conocer demientres la celebración del Festival de San Sebastián, del 21 al 29 de setiembre de 2018.
D’esti xeitu’l FICX sigue ampliando la rede de trabayu con certámenes importantes ya instituciones del mundiu del cine, tanto a nivel nacional como internacional, tres les sos colaboraciones de recién con Filmoteca Española, Tabakalera – San Sebastián, el programa européu #Cities4Europe, l’Academia de les Artes y les Ciencies Cinematográfiques d’España o’l Festival Internacional de Cine de Róterdam.
Palabras clave Festival de Cine, 2018