Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El FICX y la Radiotelevisión del Principáu d’Asturies presenten el PREMIU RTPA AL MEYOR LLARGUMETRAXE ASTURIANU

Votos

(Total de votos recibidos 0)

(Puntuación 0)

rtpa
Abierta la convocatoria pa la seición Día D’Asturies Curtiumetraxes
El Festival Internacional de Cine de Xixón y Radiotelevisión del Principáu d’Asturies convoquen per primer vegada’l Premiu RTPA al Meyor Llargumetraxe Asturianu, una competición de calter tresversal que contién una seleición de los llargumetraxes de producción asturiana que foran seleicionaos yá dientro de la SEICIÓN OFICIAL o COMPETICIÓN INTERNACIONAL RELLUMES o bien dientro de les seiciones ANIMAFICX, ESBILLA o LLENDES. D’esta mientre, y siguiendo la llinia empecipiada yá en 2017 pola nueva direición del Festival, la presencia del cine asturianu nel FICX algama mayor visibilidá dientro de les categoríes internacionales del certame col envís de realzar la calidá de les obres de producción local en convivencia con títulos d’otres nacionalidaes.

Per otru llau, queda abierta tamién la convocatoria del XIX Premiu Día d’Asturies al Meyor Curtiumetraxe, seición que tien como oxetivu potenciar la carrera de directores y productores asturianos/es, apostando pol futuru de la creación cinematográfica y audiovisual n’Asturies y, por ello, va valorase inxeniu, creatividá y riqueza d’idegues na realización.

Gracies al patrociniu de Radiotelevisión del Principáu d’Asturies (RTPA), el Festival Internacional de Cine de Xixón va otorgar dos premios en metálico de 2.000 € caún, pal film designáu como meyor curtiumetraxe dientro de la seición Día d’Asturies y pal qu’algame’l Premiu RTPA al Meyor Llargumetraxe Asturianu del 56 FICX.

Amás, Laboral Cinemateca y el Festival de Cine de Xixón caltienen el premiu Laboral Cinemateca Curtios, que concede Laboral Cinemateca a unu de los curtiumetraxes seleicionaos dientro de la seición Día d’Asturies. Esti gallardón, creáu na 55ª Edición del FICX, consiste na distribución del curtiu seleicionáu nos festivales y certames cinematográficos más destacaos, tanto de la escena nacional como internacional.

Pa dambes competiciones – tanto’l Día d’Asturies como la categoría tresversal del Premiu RTPA al Meyor Llargumetraxe Asturianu-, la participación ta abierta a toles y tolos productores y directores d’obres audiovisuales que seyan naturales de la Comunidá Autónoma del Principáu d’Asturies, residentes na mesma y, nel casu de los curtiumetraxes, también obres que se realizaren dientro del Principáu d’Asturies.

Pa formar parte de la seleición, les y los aspirantes a participar na seición de curtiumetraxes van poder presentar los sos trabayos siempre que nun pasen de 30 minutos de duración; no que cinca a les obres presentaes pa la so consideración na categoría de llargumetraxes, lo mesmo que nel restu de competiciones del Festival, habrán tener una duración mínima de 45 minutos. En dambos casos la fecha de producción habrá ser posterior al 1 de xineru de 2017, siendo‘l 5 d’ochobre de 2018 la fecha na que remata’l plazu de presentación pa la so valoración pol Festival Internacional de Cine de Xixón,.

Consulta les bases de la convocatoria del Día d'Asturies Curtiumetraxes equí y les del Premiu RTPA al Meyor Llargumetraxe Asturianu equí.

Les inscripciones van facese al traviés del portal del FICX na plataforma Festhome, nel casu de los curtios na categoría Día d’Asturies Curtiumetraxes y nel casu de los llargos na categoría Llargometraxes Asturianos, estos últimos van ser consideraos pa la so seleición nes seiciones competitives y non competitives del 56 FICX.
Palabras clave Festival de Cine, 2018