Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

ÁBRESE’L PLAZU D’INSCRIPCIÓN DE PELÍCULES PAL 56FICX

Votos

(Total de votos recibidos 37)

(Puntuación 3,00)

CALL
Los y les cineastes que tengan interés van poder presentar los sos trabayos hasta’l 19 de setiembre sacantes pa la seición Enfants Terribles que tien como fecha límite’l 24 d’agostu.
La 56ª edición del Festival Internacional de Cine de Xixón va cellebrase del 16 al 24 de payares, y pa participar nella, el FICX acaba d’abrir el plazu de presentación de películes que se van tener qu’axustar a les bases espublizaes nesta web mesma, nel enllaz axuntu pal final d’esti artículu.

Nesta edición, el Festival va siguir poniendo especial procuru nel cine del nuestru país, calteniendo’l PREMIU A LA MEYOR PELÍCULA ESPAÑOLA y cola creación añadida, dientro les películes qu’opten a esti gallardón, del PREMIU DCP DELUXE, dambos con vocación tresversal. Esti premiu consiste na masterización DCP del trabayu siguiente del direutor o direutora de la obra ganadora, per parte la empresa cabezolera del seutor a nivel internacional.

Otra de les novedaes más importantes de la 56ª Edición del FICX ye la creación del PREMIU ARCU ATLÁNTICU AL MEYOR CURTIUMETRAXE, una distinción decidida pol Xuráu Internacional de la Seición Oficial de Curtiumetraxes, y que va reconocer al que seya, a xuiciu d’esti xuráu, el meyor trabayu que tenga como país de producción y (o) direutor o direutora ún del espaciu del Arcu Atlánticu. Esti premiu va concedese cola collaboración del Festival Arcu Atlánticu y col sofitu de Cultura Xixón.

Amás d’estes novedaes, la 56ª Edición del Festival Internacional de Cine de Xixón va caltener aquelles que yá s’afitaron en 2017. Referímonos a la renovación de la COMPETICIÓN INTERNACIONAL RELLUMES, la recuperación de la denomación ESBILLA pa la seición qu’axunta les meyores películes del añu vistes n’otros festivales y estrenos especiales, o la creación del PREMIU LABORAL CINEMATECA CURTIOS, concedíu por Laboral Cinematica, que consiste na distribución del curtiumetraxe premiáu nos festivales y eventos audiovisuales más destacaos, tanto de la escena nacional como internacional.

Per otra parte, el Festival va volver a conceder una serie de premios tresversales, como’l yá mentáu PREMIU A LA MEYOR PELÍCULA ESPAÑOLA, el GRAN PREMIU DEL PÚBLICU o la collaboración con ALMA, el Sindicatu de Guionistes d’España, que concede’l so reconocimientu al meyor guión de película española.
Asina, con estes novedaes, el Festival Internacional de Cine de Xixón convoca a cineastes nacionales ya internacionales a formar parte del nuestru eventu añal, atendiendo a los plazos que vienen darréu:

- Pa les obres presentaes pa considerar na seición Enfants Terribles hasta’l 25 d’agostu de 2018
- Pa les demás seiciones* - sacantes el Día d’Asturies – hasta’l 19 de setiembre de 2018
*Les feches d’inscripción del DÍA D’ASTURIES van anunciase nes selmanes próximes quedando les bases específiques de la seición a disposición del públicu na páxina del FICX: www.gijonfilmfestival.com

Consulte EQUÍ les bases del Festival.
Palabras clave Festival de Cine, 2018