Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Brigitta Burger-Utzer: "VALIE EXPORT sigue igual de vixente anguaño"

Votos

(Total de votos recibidos 20)

(Puntuación 2,79)

brigitta
El 55FICX dedica el so focu principal a la obra de Waltraud Lehner (Linz, 1940), más conocida pol nome artísticu de VALIE EXPORT, una de les pioneres
del arte multimedia conceutual y la performance corporal feminista.
Alejandro Díaz Castaño y Brigitta Burger-Utzer, comisaria del programa yresponsable de la distribuidora de cine esperimental Sixpack Film,presentaron güei nel Antiguu Institutu una esposición de l'artista. Eldireutor del FICX amosóse fascináu por "una forma d'entender el cine que vamás p'allá del audiovisual".

Na instalación, que va poder vese nel Antiguu Institutu hasta'l 25 de payares, Burger-Utzer destacó "el gran trabayu" pa captar "los sos elementos más importantes, como la repetición al traviés de la máquina". Amás, dientro del focu van vese en Xixón dos de los tres llargumetraxes de so y dos programes de curtios. "Ella quinxo facer más películes, pero resultó-y imposible sacales alantre pesie al so prestixu internacional. Namás foi aceptada n'Austria a finales de los 80". D'ente toes quinxo destacarThe Practice of Love (1985), "un thriller de ficción, pero que tamién amiesta les téuniques de la so obra esperimental. Sigue siendo mui afayadiza anguaño".

Del programa de performances de VALIE EXPORT, que va dende 1966 hasta 2007, recalcó'l valor de "la gran mente teórica de so", porque "amás de les sos esploraciones sobre feminismu, nestos curtios hai una reflexón estructural cinematográfica perimportante". Pa rematar, al entrugá-y alredor de si'l pasu del tiempu fizo que la esposición tenga de ser mirada con otros güeyos, Burger-Utzer foi direuta: "la globalización y la esplotación siguen güei igual de vixentes, por eso'l trabayu d'EXPORT continúa suponiendo lo mesmo".
Palabras clave Festival de Cine, 2017