Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

DIECINUEVE GRUPOS Y DJ'S NES FIESTES Y CONCIERTOS DE LA 55FICX

Votos

(Total de votos recibidos 41)

(Puntuación 2,93)

conciertos
• Elien Jewel abre la programación musical del Festival de Xixón con un conciertu de bienvenida na sala Albéniz
• La Nueche Electrónica axunta a Dosem con Richi Risco y Jorge Sánchez y de la escena internacional destaquen Kid Congo y M.O.T.O.


Diecinueve grupos, músicos y DJ's repártense nes once velaes nos tres escenarios que van acoyer esti añu les fiestes y conciertos del FICX. Los prestosos Eilen Jewel van ser los encargaos d'abrir el cartel de la 55. Kid Congo, M.O.T.O. y Apolo son dalgunes de les propuestes internacionales d'esta programación que yá ye un clásicu del payares xixonés. Y de la escena nacional van tar, ente otros, Dosem, Chris Masuak, The Jungle Fevers, Tigre y Diamante, Last Fair Deal y Sexy Zebras. Los conciertos van celebrase na Sala Albéniz y en Memphis Live Music de magar la medianueche.

CONCIERTU DE BIENVENIDA 55 FICX - EILEN JEWEL
16 de payares, Sala Albéniz, 21:00h.
Entraes: Antemanada 14,00 € (+ gastos); Taquiella: 18,00 € (+ gastos)
Venta d'entraes: Llibrería Paradiso o en www.ticketea.com
Eilen Jewell va agasayanos col so últimu discu Down Hearted Blues, una esbilla de versiones de blues y R&B que se sumen al potente mecíu de country clásicu, folk y rock and roll que carauteriza la so música orixinal.





FIESTA DE BIENVENIDA
16 de payares, Memphis Live Music, de magar les 00:30h.

RED BEARD + CHRIS MASUAK
17 de payares, Memphis Live Music, apertura a les 23:30, conciertu a les 00:30 h.
ENTRAES: Entrada llibre hasta completar aforu
Country enforma, una plizca de blues y cantidaes aleatories de folk axúntense en Red Beard, banda canaria que tien de cabezaleru a Jaime Jiménez Fleitas.
Chris Masuak, guitarrista, compositor y productor australianu nacíu en Canadá entamó nel mundu del rock nos años 70 col grupu Radio Birdman pa dempués formar parte d'otres bandes como Hitmen y Screaming Tribesmen.

NUECHE ELECTRÓNICA DOSEM + RICHI RISCO + JORGE SÁNCHEZ
18 de payares, Sala Albéniz, apertura a les 00:30 h.
ENTRAES: 15,00 € (inclúi copa)
Marc Dosem ye ún de los artistes españoles más renomaos na escena internacional de música electrónica. El so talentu llevólu a fichar en 2009 pol sellu SINO ocupando de secute les primeres posiciones nes llistes de Beatport. Acompáñenlu en cabina dos grandes de la escena asturiana Richi Risco y Jorge Sánchez.

HERR MANOS
19 de payares, Memphis Live Music, apertura a les 23:30, conciertu a les 00:30 h.
ENTRAES: Entrada llibre hasta completar aforu
HerrManos nació va seis años en Xixón como un dúu de dos hermanos alemanes. Esta vegada, acompáñenlos Horacio García y Cristina Montull. Música punk con lletres punk en castellanu.

THE JUNGLE FEVERS
20 de payares, Memphis Live Music, apertura a les 23:30, conciertu 00:30 h
ENTRAES: Entrada llibre hasta completar aforu
Bobby Gonzales, Marino Screaming Bones y Coke Makaha formen The Jungle Fevers, una banda heriede del puru rockabilly.

M.O.T.O.
21 de payares, Memphis Live Music, apertura a les 23:30, conciertu 00:30 h.
ENTRAES: Entrada llibre hasta completar aforu
M.O.T.O. ye una banda de los Estaos Xuníos formada en Nueva Orleans en 1981 por Paul Caporino. Tien un repertoriu que va dende'l garaxe rock hasta'l soul.

KID CONGO & PINK MONKEY BIRDS + TIGRE Y DIAMANTE
22 de payares, Memphis Live Music, apertura a les 23:30, conciertu 00:30 h.
ENTRAES: Entrada llibre hasta completar aforu
Kid Congo ye una auténtica xungla psicodélica enllena de cantares volcánicos, acompañada nesti casu de The Pink Monkey Birds. L'ex Bad Seeds vuelve a los sos raigaños tocando la música primitiva que siempre los inspiró. Cóctel de garaxe crudu, rock chicanu, fuzz y llinies de baxu enllenes de soul.
Tigre y Diamante ye un dúu formáu por Coke Makaha (batería y voz) y Jon Álvarez (guitarra y voz), quien tres un llargu percorríu pela escena musical underground, alcuéntrense pa dar forma a unos cantares direutos, de calter primitivu, qu'amiesten melodía pop con envoltoriu punk.

LAST FAIR DEAL + Artista convidáu
23 de payares, Memphis Live Music, apertura a les 23:30, conciertu 00:30 h.
ENTRAES: Entrada llibre hasta completar aforu
Last Fair Deal (Bizkaia). El power-tríu enzarra les sos enerxíes ya influencies dibuxando les llinies d'un triángulu máxicu ente'l hard rock, el blues y el rock sureñu. Xeneren una atmósfera en direuto, a vegaes intimista, pero siempre encesa.


SEXY ZEBRAS + APOLO (MX)
24 de payares, Memphis Live Music, apertura a les 23:30, conciertu 00:30 h.
ENTRAES: Entrada llibre hasta completar aforu
Sexy Zebras ta formáu por Jose Lluna, Gabriel Montes y Samuel Torío. Esti nuevu tríu madrilanu xuntóse tres el branu de 2005 y dende entós nun pararon. Un grupu rock incendiariu, políticamente incorreutu y con un soníu fresco dientro del panorama nacional.
Apolo ye una banda de Stoner rock y Rock psicodélicu, procedentes de Chihuahua, Méxicu. Formada en 2006, l'audiencia y la crítica mexicana de la escena del rock acoyólos perbién. El soníu de la banda tien influencies dende la psicodelia y el progresivu hasta'l heavy metal.


FIESTA DE PIESLLE BÁRBARU CHICo CLUB: EDDIE PILLER + MIGUEL PARDO + FÉLIX A. LIMAÑA
25 de payares, sitiu por confirmar
El Bárbaru Chico Club ye una iniciativa underground "pol alterne, la diversión y el baille retro", que lleva funcionando más de cuatro años casi mensualmente nel TNT Rock Chigre de Cimavilla. DJ's de toa España, ya inclusive internacionales, estrúyense na so cabina pa pinchar vinilos d'estilos retro y ampliu espectru. Pa esta ocasión especial, van treslladar el so arte a un inda secretu club con mayor aforu nel que desenfundarán los sos discos.
Eddie Piller, cofundador xunto con Giles Peterson del míticu sellu Acid Jazz Rds., foi instigador y anovador de la escena musical mod y de baille inglesa de finales de los 80.
Miguel Pard, el carismáticu y xenuinu cabezaleru de la banda de rock Sex Museum. Garantía abonda de gustu y conocencia musical esquisitos.
Félix A. Limaña, direutor del festival Euroyeyé y co-fundador del Club Bárbaru Chico va sacar los sos vinilos bailongos, ente pase y pase, pa completar una nueche de pieslle redonda.
Palabras clave Festival de Cine, 2017