Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

PHILIPPE GARREL VA PRESENTAR LA SO PELÍCULA AMANTE POR UN DÍA NEL 55 FICX

Votos

(Total de votos recibidos 55)

(Puntuación 3,05)

garrel
EL CINEASTA FRANCÉS VA TENER UN ALCUENTRU COL PÚBLICU XIXONÉS



El renomáu direutor francés Philippe Garrel va visitar Xixón para presentar na nuesa ciudá'l so últimu trabayu, Amante por un día, filme presentáu na Quincena de los Realizadores del Festival de Cannes 2017 onde llogró'l prestixosu Premiu SACD y los escensos aponderamientos de crítica y públicu. Na presentación va tar tamién, xunto con Garrel, la so coguionista, Caroline Deruas.

Fíu del actor francés Maurice Garrel, Philippe tuvo dende neñu una atraición bien ceo pol cine, influyíu sobremanera polos trabayos de François Truffaut y Jean-Luc Godard, siendo en cierta manera un herederu del legáu de los cineastes de la Nouvelle Vague, un movimientu col qu'el so trabayu guarda una estrecha relación dende'l so primer filme, Les enfants désaccordés, rodáu con namás 15 años. A partir d'esi momentu, Garrel desenvolvió una carrera que lu asitió como unu de los cineastes europeos de referencia, llevándolu a llograr el Premiu Jean Vigo en 1982, el Perspeutives du Cinéma del Festival de Cannes de 1984, el Premiu FIPRESCI de l'Academia de Cine Européu en 2006, añu nel que tamién llogró'l Premiu Lumiere al Meyor Director. Tamién tuvo una importante rellación col Festival de Venecia, onde consiguió dos Lleones de Plata (1991 y 2005) y un Premiu FIPRESCI (2001).

Na película que lu trai hasta /Xixón, Garrel remata la Triloxía de los Celos, empecipiada por La jalousie (2013) y siguida por L'ombre des femmes (2015), na que desenvolvió la temática central qu'apodera la so filmografía, esto ye, la problemática relativa a les relaciones familiar y sentimentales que s'establecen ente distintos individuos. Pa realizar estos trabayos, Garrel cuntó cola participación de los sos fíos, Louis y Esther, que siguen asina la tradición familiar de dedicación al Séptimu Arte.

El pase especial d'Amante por un día, siguíu del so alcuentru col públicu, va tener llugar el sábadu 18 de payares a les 19:45 nel Teatru Xovellanos.
Palabras clave Festival de Cine, 2017