Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EL 55 FICX CONCENTRA LES SOS PROYEICIONES EN CUATRO ZONES DE LA CIUDÁ

Votos

(Total de votos recibidos 12)

(Puntuación 3,25)

tj
El Teatru Jovellanos, el Centru de Cultura Antiguu Institutu (CCAI), Llaboral Ciudá de la Cultura, Xixón Sur y Yelmo Cines Ocimax van acoyer la programación del Festival
La 55 edición del Festival Internacional de Cine de Xixón va celebrase en cinco sedes allugaes en cuatro zones de la villa. 

Como davezu, el Teatru Jovellanos afítase como’l tradicional nucleu del FICX, al que vuelve a sumase’l Centru de Cultura Antiguu Institutu, nel qu’amás de proyeiciones, tamién van facese presentaciones y actividaes complementaries, amás de les xornaes d’Industria.

La sala de cine del Centru Municipal Integráu de Xixón Sur – llar habitual de la programación añal del FICX baxo’l sellu Ciclu VOS – va acoyer sesiones tanto pela mañana como pela tarde.

Per otru llau, Llaboral Ciudá de la Cultura va albergar proyeiciones y talleres del programa pa estudiantes Enfants Terribles n’horariu de mañana, mientres que pela tarde, van llevase a cabu pases pa públicu tanto nel Teatru como nel Paraninfu – llar oficial de la seición nueva FICX/Llaboral Cinemateca.

A esta ufierta súmase, como novedá en 2017, la sede de Yelmo Cines Ocimax asitiáu nel barriu de La Calzada, onde’l Festival va disponer de cuatro sales p’acoyer la programación de les distintes seiciones.

Énte la incertidume xurídica qu’arrodia a los Cines Centro – opción que se persiguió hasta l’últimu momentu-, l’equipu de Divertia Gijón S.A. tomó’l determín de treslladar a Yelmo Cines Ocimax parte de la programación del 55FICX. Esta resolución pudo tomase gracies a la escelente disposición de Yelmo Cines Ocimax tanto a nivel corporativu como humanu, manifestada nun interés xenuinu por convertise nuna de les sedes principales del FICX. Esta recién nacida collaboración cola cadena cinematográfica garantiza una calidá de proyeición superior a la d’ediciones anteriores.

El Festival Internacional de Cine de Xixón tamién quier mostrar el so fondu agradecimientu a les persones responsables de les distintes sedes opcionales que baraxaren a lo llargo del procesu. Amás de reconocer la so arrogante y desinteresada solidaridá, la so voluntá d‘acoyer al FICX si ello fuera preciso, siempre apostando por ufrir alternatives a la organización de cara a una bona execución de la presente edición.