Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EL FESTIVAL INTERNACIONAL DE CINE DE XIXÓN CONVOCA A PERSONES D’ENTE 17 Y 25 AÑOS A FORMAR PARTE DEL SO XURÁU MOZO

Votos

(Total de votos recibidos 5)

(Puntuación 3,00)

jjoven
  • UN AÑU MÁS VAN SER LES Y LOS ENCARGAOS DE DAR LOS SOS PROPIOS PREMIOS AL MEYOR CURTIUMETRAXE Y LLARGUMETRAXE DE LA SEICIÓN OFICIAL
  • RENFE INCORPÓRASE A LA SELEICIÓN DEL XURÁU CON UN PREMIU INTERRAIL
El Festival Internacional de Cine de Xixón continuando na so tradición, encesa yá nel so orixe, de ser una puerta abierta pa la incorporación de rapazos y rapaces al mundu del Séptimu Arte, convoca un añu más al so Xuráu Mozo. Un Xuráu presente nel FICX dende los entamos del certame que va entregar, como ye tradicional, el premiu a los meyores llargos y curtiumetraxes de la Seición Oficial siempre siguiendo’l so propiu y particular criteriu.

El xuráu va tar compuestu por doce persones, mozos y moces, que van encargase de ver toles pelí-cules de Seición Oficial (tanto llargumetraxes como curtiumetraxes) pa seleicionar les meyores ente toes elles. Amás van tener la esperiencia inigualable de vivir un Festival de cine dende les sos coraes, conociendo de primer mano a cineastes, actores, actrices, otros xuraos, etc.

Cómo ser Xuráu Mozo del 55FICX

Van poder participar nesta convocatoria moces y mozos d’ente 17 y 25 años. Pa ello, van tener que rellenar la ficha d’inscripción (axuntamos más abaxo l’enllaz correspondiente). Tamién habrán pre-sentar tolos candidatos y candidates un curriculum vitae (máximu una cara), una fotocopia del DNI (si ye por e-mail, en formatu .jpg o .pdf), una memoria curtía esponiendo les razones poles que quieren formar parte del Xuráu Mozo de la 55 edición del Festival Internacional de Cine de Xixón, pudiendo presentar dicha memoria en cualesquiera de las modalidaes que siguen:

- Per escrito, con una estensión máxima de 150 palabres, les razones poles que quieren formar parte del Xurau Mozu
- Una crítica cinematográfica d’una película estrenada en 2017

Amás de los requisitos enriba citaos, toles y tolos interesaos en formar parte del Xuráu Mozo, y como parte de la collaboración especial de RENFE col Festival Internacional de Cine de Xixón, habrán unvianos un vídeu, en planu secuencia, de menos de dos minutos con una temática vence-yada al ferrocarril. Ente toles pieces que recibamos, un xuráu compuestu por persones pertenecientes al comité organizador del Festival Internacional de Cine de Xixón, va escoyer al meyor de toos ellos que va ser premiáu con un bonu interraíl pa viaxar per Europa.

El fechu de ser el ganador o ganadora del premiu del Bonu Interraíl al meyor vídeu nun supón au-tomáticamente la inclusión del so autor o autora ente los que van formar parte del Xuráu Mozu.

• Plazu

El plazu de presentación de les solicitúes va entamar el día 9 d’ochobre y va rematar el día 31 d’ochobre a las 14:00 hores.

• Llugar de presentación

Nes oficines del Festival Internacional de Cine de Xixón (c/ Álvarez Garaya, 2 – 4u pisu) en formatu papel o en DVD.

Per e-mail, a la direición protocolo@gijonfilmfestival.com en formatu “.doc” o “.pdf” pa los archi-vos de testu y en formatu “.avi” o “.mpg4” pa los archivos de vídeu.

Seleición y comunicación

La organización del Festival Internacional de Cine de Xixón va seleicionar a les y los participantes y va comunica-yoslo personalmente demientres la primer selmana de payares. La llista definitiva del Xuráu Mozo va asoleyase nel catálogu oficial y na web del Festival Internacional de Cine de Xixón (www.gijonfilmfestival.com).

• Condiciones

Ser miembru del Xuráu Mozu del FICX implica tener disponibilidá demientres los ocho díes que dura’l certame, del 17 al 25 de payares de 2017.

Los componentes del Xuráu Mozo han visionar toles películes de la Seición Oficial, tanto curtios como llargos, pa poder participar de manera afayadiza na xornada de deliberación.

A cada Xuráu Mozo va entregáse-y una acreitación completa pa esfrutar de toles sesiones de cine, amás d’una entrada pa les gales d’inauguración y pieslle y les fiestes posteriores.