Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

L’artista audiovisual VALIE EXPORT va ser una de les protagonistes de la 55ª edición del Festival Internacional de Cine de Xixón

Votos

(Total de votos recibidos 0)

(Puntuación 0)

valie
El ciclu sobre la obra d’esta veterana creadora austriaca, mundialmente reconocida dende los años 60 como una pionera de la creación audiovisual y performática feminista, ye unu de los focos dedicaos a muyeres cineastes que’l FICX va programar na so próxima edición.
L’artista audiovisual VALIE EXPORT va ser una de les protagonistes de la 55ª edición del Festival Internacional de Cine de Xixón.

El ciclu sobre la obra d’esta veterana creadora austriaca, mundialmente reconocida dende los años 60 como una pionera de la creación audiovisual y performática feminista, ye unu de los focos dedicaos a muyeres cineastes que’l FICX va programar na so próxima edición.

Nacida en Linz (Austria) en 1940, Waltraud Lehner, conocida dende 1967 pol nome artísticu de VALIE EXPORT, ye una reconocida artista multidisciplinar, amás d’una de les pioneres más destacaes a nivel internacional del arte multimedia conceutual y la performance corporal. Amás del cinematográficu, cultivó con ésitu campos como la videoinstalación, la fotografía o la escultura, siempre baxo un prisma provocador y críticu colos modelos de vida propios del períodu de posguerra, cola lliberación del cuerpu femenín de los roles asignaos pola sociedá y los medios de comunicación como unu de los asuntos centrales la so forma d’entender l’arte. Les llexendaries performances de guerrilla que llevó a cabu a finales de los años 60 permanecen güei como fitos absolutos del arte feminista, y col pasu de los años tien desarrollao una carrera granible con compromisos éticos y estéticos que caltienen tola so frescura y resulten, si se pue, más vixentes, necesarios y contundentes que nunca dende la perspeutiva contemporánea.

Los trabayos de VALIE EXPORT pudieron vese en festivales cinematográficos como los de Rotterdam, Berlín, Londres o Toronto, al empar qu’en dellos de los centros d’arte más prestixosos del mundu, como’l MoMA de Nueva York, el Centru Pompidou de París, o’l muséu Tate Modern de Londres, y les sos obres tamién formaron parte de la Bienal Internacional d’Arte de Venecia.

El programa que va presentar el Festival Internacional de Cine de Xixón na so 55ª edición (17-25 Payares) va tar comisariáu por Brigitta Burger-Utzer, co-fundadora de la distribuidora sixpackfilm, y va mostrar dalgunos de los trabayos más destacaos de VALIE EXPORT, como’l llargumetraxe The Practice of Love (1984/85), col que compitió pol Osu d’Oru na Berlinale, incluyendo al empar una cuidada esbilla de películes performátiques y otres obres de curtia duración. Tres el so pasu per Xixón, el ciclu dedicáu a VALIE EXPORT va viaxar al centru de cultura contemporánea Tabakalera (Donostia), amás d’a delles filmoteques de tol estáu.

Amás del ciclu consagráu a VALIE EXPORT, el FICX va incluyir nel so programa de 2017 otros focos y homenaxes a muyeres cineastes, y va collaborar con organismos como la Oficina de Polítiques d’Igualdá del Conceyu de Xixón, la Tertulia Feminista Les Comadres, l’asociación Mujeres de Cine, o la Asociación de Mujeres Cineastas y de Medios Audiovisuales (CIMA).
Palabras clave Festival de Cine, 2017, mujer