Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Los trabayos nuevos de Luis López Carrasco, Ramón Lluis Bande o Pablo Hernando van estrenase n’España na Seición Oficial de Curtiumetraxes del Festival Internacional de Cine de Xixón

Votos

(Total de votos recibidos 0)

(Puntuación 0)

ramonlluis
La 55ª edición del Festival Internacional de Cine de Xixón va dar una atención especial a les obres de cineastes nacionales de gran proyeición dientro y fuera de les nueses llendes, direutores con miraes singulares y, en dalgunos casos, poco complacientes.
A falta de zarrar les inscripciones y el programa definitivu, tres realizadores españoles confirmaron la so presencia na Seición Oficial de Curtiumetraxes: Luis López Carrasco, Ramón Lluis Bande y Pablo Hernando.
Los espectadores del FICX van tener la oportunidá d’esfrutar la última obra de Luis López Carrasco (Murcia, 1981), miembru del coleutivu audiovisual Los Hijos, que tien trabayos proyeutaos en festivales como Locarno, Róterdam, Nueva York, BAFICI o Viennale. Con Aliens, el curtiu seleicionáu pa competir en Xixón, López Carrasco sigue’l camín entamáu col so llargumetraxe El futuro (2014), ye dicir, una visión nostálxica anque crítica sobre la década de los 80 y la movida madrilana al traviés de la figura de la corrosiva y iconoclasta Tesa Arranz, miembru de la banda Zombies.

Otru de los autores que va formar parte de la principal competición de curtios del FICX va ser l’asturianu Ramón Lluis Bande (Xixón, 1972), que torna al certame qu’estrenó los sos primeros trabayos cola première mundial d’Aún me quedan balas para dibujar, nel que sigue revelando la historia del sieglu XX del nuesu país. Fiel al so cine comprometíu y militante, Bande recupera la memoria de presos del franquismu al traviés de los muros de la prisión del Xulgáu de Cangas del Narcea. Bande vuelve a Xixón pa competir per primera vegada na Seición Oficial y contribuyir con esti poderosu y emocionante trabayu a la visibilidá que’l cine asturianu va tener nes competiciones internacionales del Festival.

Pablo Hernando (Vitoria, 1986) elixó’l FICX pa estrenar Salió con prisa hacia la montaña na competición oficial de curtios. Tres la retrospeutiva que Xixón dedicó-y na edición anterior, el direutor va volver a sorprender a los espectadores col so personal sentíu del humor, los sos personaxes inclasificables, y un cine singular y impredecible que tien la so orixinalidá allúgalu na vanguardia del audiovisual del nuesu país.