Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El Ciclu Gas Natural Fenosa de Cine Itinerante viaxa a Xixón con Los del túnel

Votos

(Total de votos recibidos 0)

(Puntuación 0)

tunel
Arturo Valls y el productor Félix Tusell van presentar la película na ciudá asturiana nun alcuentru col públicu.


El Ciclu Gas Natural Fenosa de Cine Itinerante Branu 2017 sigui’l so camín el 20 d’agostu cola proyeición de la comedia Los del túnel. La iniciativa, impulsada a comuña por Gas Natural Fenosa y l’Academia de Cine, va facer parada en Xixón cola asistencia d’ún de los protagonistes de la película y tamién co-productor, Arturo Valls, y el productor Félix Tusell, que la van presentar nun coloquiu que fai de complementu a la proyeición y va permitir a les y los cinéfilos xixoneses descubrir los detalles y anécdotes del rodaxe.

El pase, que va escomencipiar a les 22:00 h., va ser de baldre hasta completar l’aforu y y va tener llugar nel Auditoriu del Mar de L’Atalaya. Esta proyeición cuenta col sofitu del Festival Internacional de Cine de Xixón y DIVERTIA S.A.

Xixón ye la séptima parada d’esti ciclu. Nesta novena edición, la iniciativa percuerre diez ciudaes de la nuestra xeografía, a les que va llevar los llargometraxes que marcaren 2016 y l’entamu de 2017.

Los del túnel entrúgase qué asocede en terminando una película de catástrofes. ¿Qué pasa con esos personaxes dempués del “Fin”? Pues que queden pa cenar tolos vienres. L’héroe, l’adolescente rebelde, el matrimoniu en crisis… y el fatu. Demientres los demás cellebren que tan vivos, Toni plantégase la so condición de “fatu del grupu” y eso somórguialu nuna crisis más grande que la propia esperiencia de la catástrofe. ¿Sedrá quién a salir d’esi túnel?

El Ciclu Gas Natural Fenosa de Cine Itinerante –qu’averó’l meyor cine español a más de 45.000 espectadores de más de 75 ciudaes españoles, dende xunetu de 2013– torna nos meses de branu. Tres de la parada de Xixón, la iniciativa fadrá parada en Sagunto, Ribadeo y Sabadell contribuyendo, otra vuelta, a apurrir el séptimu arte español a dellos requexos del nuestru país.
Palabras clave Festival de Cine, 2017