Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EL FICX AMPLÍA UN 27% LA PRESENCIA DE PRODUCCIONES CON SELLO ASTURIANO

Votos

(Total de votos recibidos 25)

(Puntuación 3,00)

asturies
32 títulos de creadores del Principáu danse cita nel certame, de los que 9 formen parte del Gran Angular Asturias.
La competición del Día d’Asturies va tar formada por 13 títulos y l'amuesa contien 10 curtios
El Festival Internacional de Cine de Xixón amplía un añu más el so apueste poles películes dirixíes por realizadores nacíos o venceyaos al Principáu cola presencia de 33 títulos, un 27% más que na edición anterior. D'esos trabayos, 7 van concursar na sección de Gran Angular Asturias, y 13 na del Día d’Asturies. Na 54 edición del FICX van proyectase 24 curtiumetraxes asturianos, lo que representa cuasi'l 40% de les cintes de curtia duración que se van poner esti añu. Baxo esti mesmu sellu van poder vese otros nueve llargumetraxes, un 10% del total.
Gran Angular Asturias cuenta con nueve filmes. La competición inclúi los trabayos de José Fernández Riveiro (La vida es un escenario),José Manuel Alonso Panea (De olas, tablas, y surferos. Pioneros del surf en Asturias) y Juan Moya y Chema Mera (Mi vida entre las hormigas). A ellos súmase Israel González (Los límites del cielo), Lan (Por fin viva),Pablo González (Entre vampiros), Fernando Martínez y Juan González (Ikea 2). Fuera de concursu va ponese Hoy como ayer,de Konchi Rodríguez, y Maricuela. Una mujer socialista, de Felipe Capellín.
Estes son les películes que van competir en Gran Angular Asturias:
La vida es un escenario, de José Fernández Riveiro. Documental que repasa la trayectoria artística de Jerónimo Granda, too contao dende'l so puntu de vista y d'un montón de cares conocíes del espectáculu asturianu como Maxi Rodríguez, Anthony Blake o Marga Llano.
Mi vida entre las hormigas, de Juan Moya y Chema Mera. Porque tola verdá sobre'l rock & roll tien de ser cuntada, Moya y Mera dirixen esti documental sobre Ilegales, unu de los grupos imprescindibles de la escena del rock n'español. Con un Jorge Illegal n'estáu de gracia y un montón de músicos falando de la banda del guitarrista, dende Jaime Urrutia (Gabinete Caligari) a Javier Andreu (La Frontera), pasando por Miguel Ríos o Víctor Manuel.
Por fin viva, de Lan. Inspirada en After Life, de Kore-Eda, esta película pon el focu na llibertá y nes sos posibles práctiques. L'argumentu d'esta producción de Vello Público foi desarrollándose a midida que avanzaba'l rodaxe.
De olas, tablas y surferos, de José Manuel Alonso Panea. Los protagonistes d'esti documental rellaten cómo en Salinas, Xixón, Tapia y Ribeseya empezaron nel surf a primeros de los sesenta, depués d'atopar en revistes americanes l'arte d'acaballar les foles.
Ente vampiros, de Pablo González. Hestoria de chupasangres sobre los tatamis d'un grupu dedicáu al Kempo Karate. Producíu por Cine Heroico, sellu creativu nacíu en 2013 en Madrid qu'acueye a un grupu de mozos artistes de la escena y del audiovisual.
Ikea 2, de Fernando Martínez y Juan González. Producción que pretende esplicar una hestoria siguiendo un movimientu estéticu nacíu n'Internet: la conxunción del glitch (erru dixital), el glitter (purpurina) y el kitsch noventeru. Viaxe al traviés del mieu a una vida qu'empieza cuando unu pensaba que yá nun llegaría.
Los límites del cielo, d'Israel González. Esta ópera prima ye un drama social sobre l'amor, el dolor, la soledá, el sexu y la perda, un cúmulu d'emociones que se van texendo nesta hestoria coral madrileña qu'asocede na gran pantalla pero que podríen tener llugar debaxo de la nuestra casa.


El Día d’Asturies celebra esti añu la so 17ª edición, y failo con catorce curtiumetraxes a competición y diez d'amuesa. La sección dedicada a la producción de curtios de realizadores asturianos ta patrocinada por TPA.
La selección de curtiumetraxes a competición del Día d’Asturies ta compuesta polos siguiente títulos:
Exit, de José Luis Veláquez Menéndez
Los amantes, d'Abel Castro
Duelos, de Yolanda Román
La clase, de Julio de la Fuente
Ad-vientu, de Roberto Fernández Canutu y Xu Xiaoxi
Noche ,d'Alexis Delgado Búrdalo
No tiembles, de Lucas Álvarez Sellán
Reencarnación, de Sonia Madrid
Nocturno, de Jorge Dopacio
La visita de Laura, de J.K. Álvarez
Extático, d'Azahara Gómez
Marcus, de Fernando Lorenzana
Y Nadia más que tú, de Pablo Vijande (el proyectu d'esti curtiu llogró l'añu pasáu'l premiu Nuevos Realizadores)


La selección de curtiumetraxes pa l'amuesa en Día d’Asturies ye la siguiente:
La vuelta, d'Emilio Martínez-Borso
La cara del diablo, de Julio de la Fuente
El niño azul, de José Vázquez
Suaños, d'Alberto Álvarez
Monstruo, de David Rodríguez Muñiz
Ojalá, d'Antonio Antón
La llamada, d'Alberto Rodriguez
Mírame a los ojos, d'Olga Alamán
La oportunidad, de Rodrigo Menen y Miguel Ángel Muñiz
Un día más, de Joaquín R. Yáñez y Pablo Turrero