Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EL 56 FICX VA FACER UN HOMENAXE AL CINE DIREUTO Y HUMANISTA DE TIZZA COVI Y RAINER FRIMMEL

Votos

(Total de votos recibidos 29)

(Puntuación 3,10)

covifrimmel

• El públicu de Xixón va tener ocasión d'esfrutar la primer retrospuctiva que se fai n’europa sobre esta *multipremiada pareya de direutores.

El Festival Internacional de Cine de Xixón va reconocer el cine tienro y honesto de los direutores Tizza Covi y Rainer Frimmel na so 56ª edición. Les ficciones humanistes d'esta pareya de cineastes asitiáronlos nun puestu respetáu na cinematografía europea d’anguaño. Los realizadores van tar nel FICX pa presentar la primer retrospeutiva que se-yos fai n'Europa.
Dientro del so estilubien identificáu, apaecen películes qu'apelen al aspeutu formal del documental pa narrar una ficción. Covi (Bolzano, Italia, 1971) y Frimmel (Viena, Austria, 1971) ruempen el realismu pa producir híbridos que nacen de la llibertá dafechu a la de contar les histories con una complicidá infinita cola cámara. La resultancia: producciones conmovedores que fueron premiaes en festivales como Cannes, Berlín, Locarno Xixón, onde La *pivellina llogró en 2009 el Premiu Principáu d'Asturies al Meyor Llargumetraxe y *Patrizia *Gerardi, el gallardón a la Meyor Actriz.
Covi y Frimmel, con un cine que s’identifica como herederu del neorrealismu italianu, montaron la so propia productora, Vento Filme, pa producir les sos películes de forma independiente. El públicu del FICX va tener ocasión de ver cuatro de les sos producciones.
La selección inclúi les sos tres películes de ficción hasta la fecha: la mentada La pivellina (2009), producción qu'amás de trunfar nel FICX, foi reconocida na Quincena de Realizadores de Cannes; The Shine of Day (2012), triplemente gallardonada en Locarno, y Mister Universu (2016), premiu FIPRESCI nel festival suizu, na que recuperen los escenarios de les sos películes precedentes: caravanes, feries y redolaes de la Italia de güei.
La retrospectiva inclúi amás la seminal Babooska (2005), centrada na vida d'una artista moza que dirixe un circu ambulante pelos llugares más llonxanos d'Italia. Esti filme foi premiáu en Berlín.
Amás de ver esta seleición, el públicu del FICX va tener la oportunidá d'asistir a los alcuentros con Tizza Covi y Rainer Frimmel que van tener llugar al rematar les sesiones.
Palabras clave Festival de Cine, 2018