Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

CINE D’ALTU VOLTAX: el cartel del 56 FICX

Votos

(Total de votos recibidos 25)

(Puntuación 3,00)

cartel
• El diseñador César Sánchez crea otra vuelta la imaxe del Festival de Xixón en 2018
Cine d’altu voltax. Esta ye la declaración d’intenciones del Festival Internacional de Cine de Xixón na so 56 edición al traviés del so cartel, qu’afita un paralelismu ente la imaxe d’una torre d’alta tensión y la programación que va ufrise al públicu del FICX en payares: seiciones lletrizantes que van sirvir de finxu pa les propuestes heteroxénees ya anovadores que van formar parte del programa del certame xixonés. La lletricidá como vehículu qu’empobina p’hacia’l misteriu y la vanguardia del audiovisual d’anguaño, siguiendo los pasos de cineastes de referencia pal FICX como David Lynch y la so clisante tercer temporada de Twin Peaks.

L’encargáu de roblar el cartel d’esti #56FICX foi, mesmo que nos dos años últimos, el diseñador gráficu xixonés César Sánchez, componente del equipu de comunicación de Divertia. Sánchez destaca la cenciellez del procesu de realización del cartel y la so xénesis y desarrollu como frutu d’un procesu coleutivu lleváu alantre pol equipu creativu del Festival: “Empecipiamos cola idea de facer dalgo con neones y a min abultóme bárbara porque siempre tuvi fascinación pola estética del neón y, sobre too, ye dalgo que me paez de lo más cinematográfico, en concretu d’esa parte oscura y puerca del cine y polo mesmo, del ser humanu”. Un paséu mañaneru pela redolada de la mina La Camocha dio-y la clave: “Ye un paisaxe industrial nun estáu d’abandonu que-y apurre una estética post-apocalíptica brutal. Una mañana ceo había bastante borrina, d’esto que se da dacuando en sitios de muncha humedá, y ehí taba esa torre d’alta tensión que viera milenta veces, apaeciendo como una pantasma... Nun hai nada más cinematográfico qu’un neón y borrina tupío como una paré”.

El cartel de la 56ª edición y tolo que representa va tener tamién ecu nes diferentes redes sociales de les que forma parte’l Festival, yá que, xunto al hashtag oficial #56FICX, el certame xixonés convida a emplegar #cinedealtovoltaje y, n’asturianu, #cinedaltuvoltax a toles y tolos seguidores del Festival en Facebook, Twitter ya Instagram.
Palabras clave Festival de Cine, 2018