Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La 56 edición del FICX va acoyer la première mundial de l’adautación cinematográfica del proyeutu transmedia de RTPA El pasado presente

Votos

(Total de votos recibidos 67)

(Puntuación 2,97)

ALDEA2
  • Regreso a la aldea perdida va ser la primer serie documental pa Internet de la televisión pública asturiana
  • Al traviés de catorce capítulos, dirixíos por Tito Montero y con producción executiva de Ramón Lluís Bande, la webserie estudia dellos aspeutos de la realidá socioeconómica d’Asturies nos entamos del sieglu XXI (nel añu del pieslle de les mines non competitives por orde de la Unión Europea)
  • La serie va poder vese esti iviernu per televisión axuntada en dos episodios

La Radiotelevisión del Principaú d’Asturies (RTPA) va estrenar el martes 18 de setiembre na so páxina web– www.rtpa.es – la primer webserie de la so hestoria, Regreso a la aldea perdida, producida a comuña con De la Piedra Producciones. Dende los llinguaxes de la non-ficción, la propuesta documenta delles realidaes d’Asturies nel momentu en que desapaecen los sos finxos identitarios ya industriales básicos dende los últimos años del XIX. El proyeutu ye una rellectura, bien llibre y contemporánea, de los aspeutos socioeconómicos qu’Armando Palacio Valdés espeyó en L’aldea perdida cola hipótesis de que vivimos una dómina de cambéu igual d’importante que la qu’amuesa pol escritor de Llaviana. Poro, nun ye una adautación de la novela, sinón un puntu de partida conceutual.

El proyeutu, creáu y dirixíu por Tito Montero y cola producción executiva de Ramón Lluís Bande, surde tamién d’una visión transmedia del entornu audiovisual y supón un apueste de la cadena pola adautación de los modelos televisivos a les formes de consumu nueves cada vez más venceyaes a un ambiente dixital. Tien l’envís d’acoyer públicos nuevos, espeutadores que yá nun faen usu de la emisión televisiva tradicional.

En catorce capítulos de cinco minutos Regreso a la aldea perdida esparde, como una tela d’araña, un averamientu a delles realidaes qu’afeuten a una gama bien amplia de la sociedá asturiana: dende l’entornu rural, el urbanu globalizáu o l’industrial; del pueblu a la ciudá pasando pela barriada; del paisanu en desapaición al trabayador probe que se convierte en norma pasando pel obreru qu’entá resiste. Los protagonistes son persones asturianes nel so ambiente profesional o personal: xente obrero, ganadero, agricultor, estudiante, cineasta, teleoperador, sindicala, funcionario, relixoso, emigrante, etc. Too pa estudiar, como un documental, realidaes sociales y económiques asturianes de la segunda década del sieglu XXI, nel añu del pieslle de les mines non competitives por orde de la Unión Europea.

Versiones cinematográfica y televisiva
Esta propuesta transmedia xenera la so versión cinematográfica: El pasado presente. El 56 Festival Internacional de Cine de Xixón (FICX) va acoyer la première mundial de la película, lo qu’afita tanto’l compromisu de RTPA pola producción de conteníos de calidá como l’apueste de dambes entidaes pol cine asturianu.

Pa rematar, la serie va emitise esti iviernu en formatu televisivu en ‘Asturias.doc’, l’espaciu selmanal abiertu nel prime time de los martes pola cadena pública asturiana dedicáu a propuestes documentales. L’adautación pa televisión va tar constituyida por dos capítulos de más o menos 70 minutos.

BIOFILMOGRAFÍA DEL DIREUTOR
Tito Montero (Uviéu, 1978) ye escritor, cineasta y periodista cultural. Dirixó seis películes curties, ganó’l Día d’Asturies nel 51 FICX con Fracciones y Proporcionalidad. Tien dos llibros asoleyaos: la coleición de rellatos Charlize Theron y las democracias ardientes y la novela 10 Corsarios. Lleva dende 2015 el programa de cultura de TPA Pieces, dirixíu por Ramón Lluís Bande. Creó y dirixó La pantalla mecánica, l’espaciu específicu que RTPA dedicó al cine.

.

Palabras clave Festival de Cine, 2018