Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Eli Cortiñas y Johann Lurf van protagonizar dos de los focos del #56FICX

Votos

(Total de votos recibidos 57)

(Puntuación 3,16)

cortinas
Los dos artistes mozos confirmen el compromisu del certame xixonés colos talentos nuevos del cine español y européu.
La 56ª Edición del Festival Internacional de Cine de Xixón caltién el so interés tradicional pol cine más novedosu y vanguardista, y va averar a la nuestra ciudá a dos de los artistes mozos más importantes del panorama audiovisual européu. El de Xixón va ser el primer focu organizáu n’España sobre la obra d’estos creadores tan suxeridores.

Fincada profesionalmente en Berlín, Eli Cortiñas (Les Palmes de Gran Canaria, 1979) formóse na Academy of Media Arts de Colonia y nel European Film College d’Ebeltoft. Los sos trabayos viéronse n’abondos museos y muestres internacionales renomaes: Bruselas, Berlín, Londres, Innsbruck, París, Moscú o Frankfurt son namás delles de les ciudaes onde pudieron esfrutar les sos obres. Cortiñas enconta muncho’l so trabayu na idea d’encarar la memoria visual del nuestru presente cola reinterpretación de materiales anteriores o per aciu de les imáxenes propies.

Amás de los sos llogros nel campu audiovisual, Cortiñas tamién espresó la so visión del arte y del mundiu al traviés de collages y escultures. La so obra, xeneradora de reflexones continues nel espectador, fai un enfoque especial nos modelos de representación femenina na nuestra sociedá. El focu que-y va dedicar el 56 FICX, a comuña cola Fundación Municipal de Cultura y la Oficina de Polítiques d’Igualdá de Xixón, ta organizáu por Alfredo Aracil y va incluyir proyeiciones, alcuentros col públicu y una videoinstalación nel Centru de Cultura Antiguu Institutu.

Esi añu’l FICX tamién va poner l’acentu na obra del artista visual austriacu Johann Lurf. En Xixón va poder vese un programa compuestu por dos sesiones nes que se va amosar, per un llau, una seleición estudiada de los sos curtiumetraxes (trabayos anovadores nel estudiu del espaciu y el tiempu na imaxe en movimientu), y per otru llau, el so primer llargumetraxe, tituláu “★”, un viaxe ‘interestelar’ pela Historia del Cine formáu por planos de cielos estrellaos que pertenecen a más de 550 películes y ordenaos cronolóxicamente.

Johann Lurf estudió na Academia de Belles Artes de Viena y nel Slate School of Art de Londres, graduándose nel Harun Farocki’s Art and Film Studio. Les sos obres enseñáronse en festivales internacionales de referencia como los de Sundance, Róterdam, Toronto, Viennale o Karlovy Vary ente otros munchos.

El ciclu de Johann Lurf va poder vese, depués del FICX, nel Centro Galego de Artes da Imaxe (CGAI) y na Filmoteca del IVAC (Institut Valencià de Cultura).

Palabras clave Festival de Cine, 2018